среда, 30. мај 2012.

ВЕЖБА

Вежбам
да ја доживеам
убавината во мигот
оти
и
тој 
е
ист
како
и
сите
други
и
ќе биде
одживеан
со таков интензитет
со каков
пиеме чаша вода.....
мигот на заминување......
е како дишење
како влегување во друга соба
како излегување од под туш
како отварање на очите наутро....будење



ПОЧИВАМ ВО МИР

Понекогаш,
си почивам во мир.
Не чекам тоа
да ми го посакаат
постхумно.











                             
art by Cécile Veilhan
 

уторак, 29. мај 2012.

БУДНИ СОНУВАЧИ

Не ме буди
од сонот
во кој несакам да заспијам.
Стој од страна
и чекај...
сонот сам ќе си замине.
Кога ке останеме
јас и ти
легни си до мене
будни ќе сонуваме.

















art by  Catrin Welz-Stein


ЉУБОВ - КУСА ПРЕПОРАКА ЗА ВЕЧНОСТ

Пронајди ме
на кое и да е
растојание од видикот
а јас ќе ти мирисам
со мирисот на блискост
и ќе ти ја сменам
старата зачадена одаја
со свежината на името
кое ти ми го даде - жена
 










               
                                                                                        art by  Catrin Welz-Stein

понедељак, 28. мај 2012.

ТАЈНА......


......од внатрешната страна на кожата
    открив космос....



 Anne Siems

недеља, 27. мај 2012.

МУШИЧКА-ДУШИЧКА

Предолго го оставив
да се лади чајот
во чашата,
додека Моцарт ми кажуваше
колку ја љубел жена си.
Една мушичка-душичка
се изгуби во жеската течност.
Мојот прст ја погреба
Опело.
Дувнав,
тоа беше нејзиниот последен лет.
Толку можев да направам
за природата вечерва-
да и благодарам за убавината
на мајкината душичка
....пиејќи спасив
други две-три мушички.



петак, 25. мај 2012.

ПРЕГРАТКА






Понекогш,толку многу сакам да си пратам
срдечна порака на себе си
која завршува со
,,те гушкам,,
Се случува да неможам
да го пронајдам
поштенското сандаче
ниту адресата.
Во тој случај
си закажувам средба
со себе си
внатре во срцето .....ќе видиме дали ќе се појавам овој пат





четвртак, 17. мај 2012.

ПОЗАДИ ДОЖДОТ



  











уторак, 15. мај 2012.

ДРУГИОТ

ДРУГИОТ ТОА СУМ ЈАС, НАРЕЧЕН СО ПОИНАКВО ИМЕ

Го измислив "другиот"
од потреба да си потврдам
дека "јас сум"
"Другиот" е изум
кој треба да се патентира
во агенција за патенти
и потоа,
таа лиценца може да се продава
на оние
кои трагаат по своето "јас",
како рецепт
како огледало
во кое се пронаоѓјаат
антиодговорите
на суштинските прашања.
Со неутрализација на антиодговорите
се добива
чисто "јас"
и кога чистото "јас"
ке се добие од "другиот"
"јас" станува -СПОКОЈ



by Véronique La Perrière M

недеља, 13. мај 2012.

ЈАС СУМ

ЈАС СУМ НЕШТО
ПОВЕЌЕ
И НЕШТО
ПОМАЛКУ
А СЕПАК ДОВОЛНО,ТОКМУ.
ЈАС СУМ
И НЕ СУМ ЈАС
И НЕШТО СУМ
И НИШТО НЕ СУМ
А СЕПАК-СУМ















CAMERA OBSCURA

 
 Е КАКО КУТИЈА 
ВО КОЈА СЕ СЛУЧУВА
  НЕКАКВА СТВАРНОСТ-CAMERA OBSCURA.....
......
СВЕТЛИНАТА НА СВЕСТА Е ПОСТОЈАН БЛЕСОК 
КОЈ ГИ УКИНУВА 
СИТЕ ПРОЕКЦИИ
ВО ФИЛМСКИТЕ СТУДИЈА НА ИЛУЗИИТЕ
И ЗАСЕКОГАШ ЗАМИНУВА ВО ПЕНЗИЈА
 РЕЖИСЕРОТ НА ФИЛМОТ ...
...
УМОТ-В СПОКОЈ