понедељак, 07. јул 2014.

спогодба



 Го прифаќам секој ден како расказ,
на кој му се воодушевувам додека го читам,
без да сакам да сменам ниту една буква од него,
го голтам читајќи.......
За поголема јасност на ефектите
замижувам
и ѕиркам во внатрешноста.
За да видам појасно
најпрвин молчам
и гледам како
летаат мисли во облик на слики.
Потоа одам понатаму
и гледам како
диши само од себе.
Потоа одам уште понатаму
и влегувам
во пространството на изобилие
и одбирам слика-сон
која ке ја покажам штом ке ги отворам очите.

уторак, 01. јул 2014.

КРИСТАЛНО ,,ТЕ САКАМ,,


Толку е јасно тоа

Дека те сакам

што самото е проѕирно

Како стакло.

Се гледа преку него се,

Јасно.

Можеш да го ставиш

 Како прозорец

И низ него јасно да го видиш светот,

Без дамки и флеки,

Без деформации.

Низ тоа ,,те сакам,,

Можеш совршено

Да ги гледаш сите нешта и луѓето

Во нивната идеалност,

Без да се изморуваш од приметување фалинки .

Тоа кристално ,,те сакам,,

Е филтер за болката ,

преку него ќе го спознаеш безболот.

И со него  ако толку се соживееш

Самиот стануваш,,

Тоа ,,те сакам,,...