РАСТЕЊЕ

Баба ја маѓосуваше манџата

Со нане и други мирудии

Дедо вртеше по радиото

Да фати чист глас

И некој таму кажа:

Точно е 12 часот

Зборува радио Титов Велес

Јас ја читав

“Галебот Џонатан Ливингстон”

И памтам тогаш

Колку напреднав во летањето

После макавме од манџата

И се радувавме колку е слатко

Луткото во неа.

Нешто вечно има

во сликите со радост

Кои се множат низ времето.

Си макам од манџава

И си мислам...

Сеуште напредувам во летањето.

 

illustration: anna magruder